Воскресенье, 19.08.2018, 14:41
Приветствую Вас, Гость

Тиэлиги оскуолатын 1929 сыллаахха Олом-Күолуттэн оройуон арахсыытын саҕана көһөрүллэн кэлбитэ. Маҥнай аһыллыытыгар 2 үөрэнэр кылаастаах этэ. Онно биһиги үөрэнэ киирбиппит. Барыта 50-чэ о5о үөрэммитэ. Маҥнайгы учууталбыт Уус-Алдан киһитэ Готовцев Власий Федорович диэн этэ. Сүрүннээн үөрэнэр кинигэбит "Саҥа суол» диэн этэ. Маны таһынан ахсаан уруога баара. Остуорас Васильев Петр Яковлевич кэргэнинээн үлэлээбитэ. Ол эһиилигэр Дьөппөн Аһаабытыттан Кириллин кулаак дьиэтин аҕалан кэҥэппиттэрэ. Онно биир кылаас үөрэммитэ. Онтон кэнники Исаков Коля уонна Хабырылла уолун дьиэтэ тутуллан оскуола 4 кылаастаммыта. Остуораһынан Леонтьева Матрена Кононовна кэргэнинээн үлэлээбиттэрэ. Оскуола сэбиэдиссэйинэн Яковлев Спиридон Васильевич үлэлээбитэ. Учууталларбыт Гаврильев, Николаев, Егоров, Платонов этилэр. Кэнники Кириллин Николай Федорович сэбиэдиссэйдии олорон Исаков Коля дьиэтин көтүттэрэн икки оскуоланы холбоон керудуер оҥотторбута, сцена туттарбыта. Онно улахан дьон мустан араас оонньууну туруораллара, "Кыһыл ойууну” кытта оонньууллара.

Колхоз уопсай мунньахтара эмиэ оскуолаҕа буолаллара. 1934-35 с.с. оскуола 4-с кылааһын бүтэрбиппит. Кэнники учууталларынан Никифоров, Наумовскай, Свинобоев, Винакуров, Охлопков, Корнилов, Захаров улэлээбиттэрэ.

Кэнники үөрэнэр оҕо элбээн оскуолаҕа баппакка Тохтоһукка, Чымаадайга Андреев Иван аҕатын дьиэтигэр эмиэ оскуолалар аһылла сылдьыбыттара. Учууталларынан "Муҥур Тииккэ” Марков диэн киһи үлэлээбитэ. Онтон оскуола тутуутун Платонов Илья оҕонньор прорабтаан атын сиргэ көһөрбүттэрэ, кэнники эмиэ түһэн урукку оскуола миэстэтигэр көһөруллүбүтэ.

Биһиги үөрэнэрбит саҕана итии аһылык диэн биэрэллэрэ талонунан. Ким урут кэлэн талону ылбыт киһи эрдэ аһыыра. Ол иһин оскуолаҕа талону урут ылаарыбыт эрдэ кэлэр этибит. Ону остуораспыт Мотуруона эмээхсин киллэрбэккэ сордуура. Ол саҕана оҕолор араас ис хоһоонноох эркин хаһыаттарын таһаараллара. Биһигини кытта Михайлов Виктор диэн хоһоону үчүгэйдик суруйар уонна ааҕар уол үөрэммитэ. Ону биһиги нойосуус үөрэтэрбит уонна ааҕар этибит.

Оччотооҕу үөрэх кэнниттэн команданан хайдыһан үтүлүгүнэн сэриилэһэ оонньуурбут, ардыгар охсуһан да турарбыт. Хаарга тэпсиллэн элбэх үтүлүк сүтэр этэ, ол иһин төрөппүттэрбититтэн элбэхтэ мөҕүллэр буоларбыт. Биһиги са5ана улахан сиппит дьон үөрэнэллэрэ. Сорохтор үөрэнэ сылдьан ыал буолаллара. Биһигини кытта үөрэммит оҕолор сорохторо сэриигэ баран, сорохторо өлөн билигин суохтар.                                               

Исаков Г.Д., Николаев П.Г. (иккиэн бииргэ уөрэммиттэр) 

Министерство образования Республики Саха (Якутия)  Институт развития образования и повышения квалификации Республики Саха (Якутия)  Республиканский центр дополнительного образования и гражданско-патриотического воспитания  Институт национальных школ Республики Саха (Якутия)  Федеральный портал поддержки ЕГЭ  Федеральные государственные образовательные стандарты  Федеральный образовательный портал  Российский общеобразовательный портал  Единая коллекция цифровых образовательных ресурсов  Федеральный центр информационно-образовательных ресурсов  Единое окно доступа к образовательным ресурсам  Всероссийский Интернет-педсовет  ИД Первое сентября