Среда, 14.11.2018, 21:03
Приветствую Вас, Гость

  Мин I Наахара начальнай оскуолатыгар 1954-57  үөрэх сылларыгар параллельнай кылаастарга учууталынан «Победа» колхоз комсолольскай тэрилтэтин секретээринэн үлэлээбиппин олоҕум, үлэм үс кэрдииһин быһыытынан үчүгэйдик өйдүү саныы сылдьабын.

  Оскуола сэбиэдиссэйинэн уонна учууталынан улахан опыттаах В.П. Карпова саталлаахтык салайан, көҕүлээн, тэрийэн үлэлээбитэ.

  Нуучча тылын учууталларынан уонна пионер баьаатайынан О.Д. Соколова, С.М. Травникова айымньылаахтык үлэлээбитэ. Оскуолабыт 44 үөрэнээччилэрдээх да буоллар үлэ-хамнас, көр-нар тигинэччи буолара. Үөрэҕи билии үрдүк, бэрээдэк үчүгэй этэ.

  Пионерскай дружина советын председателинэн сытыы-хотуу Тимофеева Рая хайҕаныан хайҕанара, бастын үөрэнээччибит, общественникпыт этэ.

  Пионердар Куула фермаҕа сана төрөөбүт ньирэйдэри шефтэһэллэрэ, ыанньыксыттарга концерт көрдөрөллөрө. Оскуолаҕа бырааһанньыктары уонна переменаны көрдөөхтүк атаараллара олус туһалаах буолбута.

  Пионердар республикатааҕы хайыһарга кэтэхтэн күрэхтэһиилэригэр бастакы миэстэни ылан дипломунан, көһөрүллэ сылдьар кубогынан наҕараадаламмыттара.

  Үөрэххэ, пионерскай үлэҕэ Тимофеева Рая, Лебедева Зоя, Семенова Нюта, Саввина Альбина, Алерсандров Пана, Яковлев Никон, Тимофеев Гоша, Захарова Ира, Колесова Наташа, Платонова Рая, Осипова Шура, Гаврильева Маша, Ильин Костя  бастыҥнарынан буолан холобурга сылдьыбыттара.

  Оскуола, интернат сылаас буоларын техүлэһиттэр, сэрии ветерана Осипов Г.И., Яковлева М.П., Яковлева М.Ф., Васильева Е.К., кыһамньыларын ууран ситиһэллэрэ. Оскуола үлэтигэр с/совет исполкомун председателэ Яковлев Н.П. "Победа” колхоз председателэ Солдатов К.Н. активнайдык көмөлөһөллөрө.

  Төрөппүттэр Саввин С.Н., Платонов Г.В., Купрянов Г.В., Захаров С.И., Ильин И.Н., Петров В.А., Осипов Я.М., Григорьева Е.П., Сивцева-Иванова М.Д. о.д.а. оскуола иитэр-үөрэтэр үлэтигэр улахан күүс-көмө, сүбэ-ама буолаллара махталлаах. Учууталлар нэһилиэнньэ ортотугар доклад, лекция, бэсиэдэ оҥороллоро, художественнай самодеятельноска активнайдык кытталлара.

Кириллин М.П. 

Министерство образования Республики Саха (Якутия)  Институт развития образования и повышения квалификации Республики Саха (Якутия)  Республиканский центр дополнительного образования и гражданско-патриотического воспитания  Институт национальных школ Республики Саха (Якутия)  Федеральный портал поддержки ЕГЭ  Федеральные государственные образовательные стандарты  Федеральный образовательный портал  Российский общеобразовательный портал  Единая коллекция цифровых образовательных ресурсов  Федеральный центр информационно-образовательных ресурсов  Единое окно доступа к образовательным ресурсам  Всероссийский Интернет-педсовет  ИД Первое сентября