Воскресенье, 19.08.2018, 14:41
Приветствую Вас, Гость


I Наахара нэһилиэгэ уһун кэм устата үөһээҥи үөрэх тэрилтэлэригэр оскуола боппуруоһун туруорсубута. Ол курдук, Саха уобаластааҕы народнай училищелар инспектордарыгар окуоланы астарыы туһунан ус кднөрдөһүү суругу түһэрбитэ. (1907 с. атырдьах ыйын 10 к.,  1907с. балаҕан ыйын  30 к., 1908 с. ахсынньы ый 14 күнэ). Маны тыһынан, 1909 с. балаҕан ыйын 16 күнүгэр рапорт суруллубута. Онно I Наахара родовой управатыгар оскуоланы астарыы наадалааҕын тоһо5олоон туран туруорсубута, модьуйсубута. Ити түмүгэр народнай училищелар инспектардара С. Огородников Якутскай губернаторыгар сэтинньи 19 күнүгэр 1649 нүөмэрдээх суругунан маннык диэн биллэрбит: «Наахараҕа начальнай училище аһылынна, үлэтин саҕалаата».

Онон маҥнайгы оскуола Олом Күөлэ диэн сиргэ 1909  сыллаахха аһыллан үлэтин саҕалыыр. Бу үөрэх сылыгар 12 уөрэнээччи хомуллубута, ол иһигэр суос соҕотох биир кыыстаахтара. Үөрэх балаҕан ыйын  22 күнүттэн саҕаламмыта. Пансиоҥҥа 10 оҕо олрбута. Оскуолаҕа биир учуутал, биир таҥара үөрэҕин үөрэтээччи үлэлээбиттэрэ. Ону манны докумуон туоүулуур:

«МНП Учитель Олом-Күөльский  Нахаринской школы октябрь 24 дня 1909 г.   
Его высокородию Господину инспектору народных училищ Якутской области  
Имею честь доложить Вашему Высокородию, что открытие новой Оломь-Күольской начальной школы состоялось 22 октября сего года: молибен был отслужен священником местной церкви Алексеем Поповым, а начало занятий было положено с 23 числа того же месяца.

                                                                             Учитель Пантелеймон Николаевич Жирков."

(ЦГА Ф.288 01.Д208N 12).

Мантан көстөрүнэн, оскуола үлэтин алтынньы ый 22 күнүгэр 1909 сыллаахха саҕалаабыт. Учууталынан Жирков П.Н. үлэлээбит, таҥара үөрэҕин Алексей Попов үөрэппит.

1910-1911 үөрэх  дьылыгар училище 1 кылаастааҕа, 3 отделениелааҕа. Онно 14 уол, 1 кыыс үөрэммитэ. Учууталынан Кириллин Д.Ф. үлэлээбитэ. 1920-21 сс. 12 оҕо үорэммит, 1 учуутал үөрэппит. 1919-21 үөрэх сылыгар учууталынан Охлопков Николай Михайлович үлэлээн кэлбит. 1921-22 сс. нуучча кыыһа Асламова Любоаь Алексеевна үөрэппит. 1922-23 үөрэх дьылыгар 30 үөрэнээччини үөрэтэргэ, 20 оҕну пенсионакка олордорго былааннаммыттара.

Гражданскай сэрии уоттаах сылларыгар оскуолалар сабылла сылдьыбыттара. Биһиги улууспутугар 6 эрэ оскуола үлэлиирэ (22 оскуолаттан). Сабыллыбыт оскуолаларга бандьыыттар этэрээттэрэ олороллоро, оскуола малын-салын, баайын-дуолун урусхаллыыллара. Олом Күөлүн оскуолатын көрөн-истэн баран, актаҕа уполномоченнай Иван Афанасьев 1922 сыллаахха маннык суруйбут: «Оломь – Кельская школа сильно пострадала от проживания повстанческих отрядов: разбиты до 60 оконных стекол, сняты с петель 2-хстворчатые внутренние двери, сняты лицевые доски двухместных парт, разобраны печи и прочие» (ЦГА, ы-57, о-1, д-85,л.62). Асламова Л.А. "Ой-Бэс” оскуолатыгар көспүтэ.Сэрии у5арыйаатын кытары оскуола эмиэ аьыллан улэлээн барбыта. 1925-26 үөрэх дьылыгар икки группаҕа Окороков С. учууталлаабыта. 1927-28 үөрэх дьылыгар Афанасьев Иван Михайлович учууталлаабыта.

Ахтыылар:

- Исаков Г.Д., Николаев П.Г. ахтыылара

- Саввин И.И. ахтыыта

Министерство образования Республики Саха (Якутия)  Институт развития образования и повышения квалификации Республики Саха (Якутия)  Республиканский центр дополнительного образования и гражданско-патриотического воспитания  Институт национальных школ Республики Саха (Якутия)  Федеральный портал поддержки ЕГЭ  Федеральные государственные образовательные стандарты  Федеральный образовательный портал  Российский общеобразовательный портал  Единая коллекция цифровых образовательных ресурсов  Федеральный центр информационно-образовательных ресурсов  Единое окно доступа к образовательным ресурсам  Всероссийский Интернет-педсовет  ИД Первое сентября