Вторник, 19.06.2018, 03:55
Приветствую Вас, Гость

 1931-32 үөрэх дьылыгар 8 сааһыттан ыла начальнай булгуччу үөрэхтээһин са5аламмыта, үһүс кылаас эбии аһыллыбыта. Оҕото элбээн, маҥнайгы кылааһы икки аҥы, улахан уонна кыра саастаахтарга арааран үөрэппиттэрэ. Сэбиэдисэйинэн Николаев С.Н., учууталларынан Яковлев С.В., Гаврильев Егор Афанасьевич үлэлээбиттэрэ. барыта 60-ча оҕо үөрэммитэ.  1932-33 үөрэх дьылыгар төрдүс кылаас аһыллыбыта. Оскуола дьэҕэ эбии Дьөппөн Аһаабыттан Кириллин Дмитрий Федотович дьиэтэ көһөруллэн кэлэн, эбии салгыы тутуллан үлэҕэ киллэриллибитэ. Оскуола сэбиэдисэйинэн Яковлев Спиридон Васильевич, учууталларынан Гаврильев Егор Афанасьевич уонна сэттис саҥа бүтэрбит Платонов Алексей Иннокентьевич, Никифоров Петр Терентьевич үлэлээбиттэрэ.

  1945-46 сс. Григорьева Анна Ивановна, учууталынан Дьяконова Анна Дмитриевна үлэлээбиттэрэ. Анна Дмитриевна II-VI кылаастары, Анна Ивановна үс кылааһы (I-III кылаастары) үөрэппиттэрэ. Оскуолаҕа 60-70 оҕо үөрэммитэ.

  Анна Ивановна бөһүөлэх общественнай олоҕор активнайдык кыттара. Оскуола, интернат сэбиэдиссэйэ,лектор, пропагандист, комсомольскай тэрилтэ секретара,политическай хампаанньалар тэрийээччилэрэ, араас бырааһынньыктар, уус-уран самодеятельность солбуллубат тэрийээччитэ этэ. Оскуола бу кэмҥэ биир аттаах этэ. Ый аайы атынан Майаҕа кыырэллэрэ, учууталлар хамнастарын таһаараллара. Интернаат аһын-үөлүн, таҥаһын-сабын, үбүн кэпсэтэллэрэ, араас семинардарга, мунньахтарга сылдьаллара. Саас төрдүс кылаас оҕолоро   II Наахара оскуолатыгар эгзамеҥҥа атынан таһаараллара. Оскуола 5 оһохтооҕо. Онно маһы саас оҕолору кытта бэйэлэрэ бэлэмнииллэрэ. 1948 с. оскуола олус эргэрэн, сууллар туруктанан, атын сиргэ көһөрүллэн тутуллар боппуруоһа турбута. Онно саҥа кулуубу тутарга 24 тыһыынча солкуобайы биэрбиттэрин оччотооҕу сельсовет председателэ Платонов Григорий Васильевич олохтоохторукытта сүбэлэһэн баран, оскуола тутуутугар биэрэргэ быһаарыммыттара. Степанов Петр Терентьевич оскола чиэни көһөрөн, саҥалыы тутарга сүбэлээбитэ. Үөрэх бүтэрин кытта оскуоланы көтүрүү үлэтэ саҕаламмыта. Тутуу комиссиятын председателинэн Платонов Г.В. анаммыта. Маастарынан Платонов Илья Иннокентьевич (Уордаах Уола) үлэлээбитэ.

  Ол саҕана оскуола тутуутун үс колхоз председательэрэ: Чкалов аатынан колхоз – Захаров Сергей Иннокентьевич, "Кыһыл сардаҥа” – Адамов Василий Николаевич, "Киров” – Александров Николай Егорович туох да утарсыыта суох ыһыы үлэтиттэн босхолоон туран дьону биэрбиттэрэ. Сайыны быһа 5 кырдьаҕастан састааптаах биригээдэ үлэлээбитэ. Платонов И.И. – маастар, Назаров Д.С., Николаев Григорий Васильевич, Исаков Гаврил Иннокентьевич дьулуурдаахтык үлэлээн, балаҕан ыйын 1 күнүгэр оскуоланы үөрэнэргэ бэлэм оҥорбуттара. Бүтэһиктээхтик балаҕан ыйын  29 күнүгэр бүтэрэн, алтынньы 13 күнүгэр комиссияҕа туттарбыта. Бу оскуола 1974 сыллаахха дылы үлэлээбитэ.

  1946-47 сс. сэбиэдиссэйинэн Григорьева А.И., учууталынан Дьяконов А.Д. улэлээбиттэрэ. Кинилэр 1947-48 сс. эмиэ үөрэппиттэрэ. Бу сыл Григорьева А.И. райкомга быыбардаан пионерскай үлэҕэ киирэр.

  1948-49 сс. учууталынан эдэр, педучилищаны саҥа бүтэрбит Степонов Василий Константинович кэлэр. Сэбиэдиссэйинэн Васильева Матрена Федоровна үлэлээбитэ. Василий Константинович, төһө да икки сыл үлэлээтэр, бу дойду сирин-уотун, дьонун-сэргэтин, үөрэппит оҕолорун билигин да кэрэтик ахтабын диэн суруйар. Манна мин маҥнай оскуола учуутала диэн үрдүк ааты сүкпүтэ, мантан олох ууруллан, олох киэҥ аартыга кэрэҕэ, үрдүккэ тардыспыта. 1949-50 сс. сэбиэдиссэйинэн Григорьева А.И., учууталынан Дьяконова А.Д. үлэлииллэр. 1950-52 сс. сэбиэдиссэйинэн Перевалов Роман Иванович, учууталынан Дьяконова А.Д. үлэлииллэрэ.

 1952 – 61 c.с. 9 сыл устата Карпова Варвара Петровна үлэлээбитэ. Бу сылларга оскуола үлэтэ-хамнаһа лаппа сэргэхсийбитэ. Төһө да суола-ииһэ суох кырыы учаастакка олордоллор, оройуоннааҕы, ону ааһан  республикатааҕы мероприятияларга активнайдык кыттан, бириистээх миэстэҕэ тиксэллэрэ. 1952-53 үөрэх дьылыгар  оскуолаҕа 42 оҕо үөрэммитэ, 12 ммиэстэлээх интернааттааҕа. Бэрээдэктээх, үчүгэйдик үөрэнэр, общественнай үлэҕэ активнайдык кыттар оҕолор элбэхтэрэ. 1953-54 үөрэх дьылын түмүгүнэн Афоня Харитонов "Артек” пионерскай лааҕырга 1952-61 сс. тоҕус сыл устата баран сынньанар чиэскэ тиксибитэ. Варвара Петровна үлэлээбит кэмнэригэр үөрэммит оҕолортон үрдүк үөрэҕи бүтэрэн, оройуонна, республикаҕа биллэр үлэһит буолбут дьон балачча элбэхтэр. Бу сылларга учууталларынан Кириллин Михаил Павлович, Травникова Серафима Матвеевна (Ярославскай уобаластан кэлбитэ), Пинигин Никифор Васильевич, Баишева Елена Львовна, Андросова Долорес Николаевна уо.д.а. үтүө суобастаахтык үлэлээбиттэрэ.

Ахтыылар:

- Кириллина В.С. ахтыыта

- Иванова М.Д. ахтыыта

- Үөрэх тохтотуллубатаҕа - Кириллин Е.К. ахтыыта

- Григорьева А.Е. ахтыыта

Үлэҕэ, үөрэххэ көхтөөхтөрө - Карпова В.П. ахтыыта

- Олохпут оскуалата - Елена Баишева ахтыыта

- Кириллин М.П. ахтыыта

- Никитина М.И. ахтыыта

Министерство образования Республики Саха (Якутия)  Институт развития образования и повышения квалификации Республики Саха (Якутия)  Республиканский центр дополнительного образования и гражданско-патриотического воспитания  Институт национальных школ Республики Саха (Якутия)  Федеральный портал поддержки ЕГЭ  Федеральные государственные образовательные стандарты  Федеральный образовательный портал  Российский общеобразовательный портал  Единая коллекция цифровых образовательных ресурсов  Федеральный центр информационно-образовательных ресурсов  Единое окно доступа к образовательным ресурсам  Всероссийский Интернет-педсовет  ИД Первое сентября