Среда, 14.11.2018, 19:52
Приветствую Вас, Гость

Стрекаловская Мария Николаевна

Тиэлиги начальнай, а5ыс кылаастаах оскуолатын бүтэрбит киһи аахтахха син элбэх буолуохтаах. Билигин кинилэр, үрдүк үөрэхтээх дьон, республика араас улуустарыгар үлэлииллэр. Олортон биһиги оскуолабыт урукку бастың үөрэнээччилэрэ Александр, Галина, Татьяна Пахомовтар Тиэлиги орто оскуолатын билиңңи бастың үөрэхтээх, үчүгэй бэрээдэктээх, общественнай үлэ5э актыыбынайдык кыттар үөрэнээччитигэр 1997 үөрэх сылыттан ийэлэрин Мария Николаевна Стрекаловская аатынан стипендия олохтообуттара.

Пахомовтар ийэлэрэ Мария Николаевна Стрекаловская 1930 сыллаахха бэс ыйын 10 күнүгэр Уус-Алдан оройуонун Түүлээх нэһилиэгэр колхуостаах кэргэңңэ төрөөбүтэ.   Кини культурнай-сырдатар оскуоланы бүтэрэн биһиги биир дойдулаахпытыгар, бииргэ үөрэммит уолугар Алексей Семенович Пахомовка кэргэн тахсан Тиэлигигэ кэлэн олохсуйбута. Манна уһун кэмңэ библиотека сэбиэдиссэйинэн үтүө суобастаахтык үлэлээбитэ. Мария Николаевна дьон-сэргэ убаастабылын ылбыта, дьахтар комитетын председателинэн үлэлиирэ, суукка сэтээтэллиирэ. Олоххо активнай позициялаах буолан, общественнай үлэни барытын кини тэрийсэрэ, биир кө5үлээччинэн буолара.

Пахомовтар үс о5оломмуттара. О5олорун манна улаатыннарбыттара, киһи-хара оңортообуттара, төрөппүт киһи кинилэр иитиллиилэригэр ийэлии амарах кыһамньытын уурбута. Мария Николаевна өрүү сырдыкка, үтүө5э тардыһара, үөрэ5и, билиини өйүүрэ, о5олор да, улахан дьон да кинигэни, бэчээти үгүстүк аа5алларын ситиһэрэ. О5олор үөрэхтээх өйдөөх-санаалаах, общественнай үлэ5э активнай буолалларыгар олус кыһаллара, үөрэтэрэ-такайара. Ийэ киһи бэйэтинэн холобур көрдөрөн үөрэ5ин үрдэттэммитэ. Ол курдук, кэлин кэтэхтэн үөрэнэн СГУ саха тылын уонна литературатын салаатын бүтэрбитэ. Онон учуутал идэтин баһылаан, үүнэр көлүөнэни иитиигэ олохтон туоруор диэри үлэлээбитэ. Кини бара-суо5а 50 сааһыгар ыарахан ыарыыттан өлөн туораабыта. Кэргэнэ, о5олоро көмүс уңуо5ун кийиит буолан сүктэн кэлбит сиригэр – биһиги Тиэлигибитигэр көтөхпүттэрэ. Мария Николаевна ба5арбытын курдук о5олоро үһүөн үрдүк үөрэхтээх дьон, ону ааһан эппиэттээх салайар үлэһит буоллулар. Уола Александр бастаан СГУ-ты, онтон Үрдүкү комсомольскай оскуоланы, кэлин норуот хаһаайыстыбатын Академиятын ситиһиилээхтик бүтэрбитэ. Улууска эрэ буолбакка республика5а биллэр комсомольскай, советскай, партийнай үлэһит буола үүннэ. Билигин наука5а уонна профессиональнай уерэхтээьиннэ министирэ. Кыыһа Галина бастаан СГУ нуучча тылын отделениетын бүтэрбитэ. Кэлин Москва5а Үрдүкү комсомольскай оскуола5а үөрэнэн журналист идэлэммитэ. Россия журналистарын Союһун чилиэнэ. Билигин «Сахапечать» ГТ генеральнай директора.  Кыра кыыс Татьяна СГУ медицинскай факультетын бүтэрэн терапевт идэлээх. Билигин булгуччулаах медицинскай страховкалааьын фондатын главнай специалиьа. О5олор үһүөн ыал а5ата, ийэлэрэ.             

Онон о5олор ийэлэрин сырдык кэриэһин үйэтитэн кини аатынан стипендия олохтообуттара махталлаах суол.

Пахомовтар дьиэ кэргэн – ийэлэрин, М.Н. Стрекаловская аатынан «Лучший ученик» стипендиаттара:  

1997-1998 с.  Лебедева Шура

1998-1999 с. Кириллина Лида

1999-2000 с. Свинобоева Сардаана

2000-2001 с. Гуляев Руслан

2001-2002 с. Алексеева Жанетта

2002-2003 с. Тимофеев Ион

2003-2004 с. Саввина Оля

2004-2005 с. Кириллин Вася

2005-2006 с. Моякунова Айта

2006-2007 с. Пахомова Люда

2007-2008 с. Слободчикова Света

2008-2009 с. Моякунова Ася

Министерство образования Республики Саха (Якутия)  Институт развития образования и повышения квалификации Республики Саха (Якутия)  Республиканский центр дополнительного образования и гражданско-патриотического воспитания  Институт национальных школ Республики Саха (Якутия)  Федеральный портал поддержки ЕГЭ  Федеральные государственные образовательные стандарты  Федеральный образовательный портал  Российский общеобразовательный портал  Единая коллекция цифровых образовательных ресурсов  Федеральный центр информационно-образовательных ресурсов  Единое окно доступа к образовательным ресурсам  Всероссийский Интернет-педсовет  ИД Первое сентября